Қозоғистонда “замҳоким” отиб кетилди (видео)

Қозоғистонда Чимкент шаҳар ҳокимининг ўринбосари Руслан Берденов кеча, 21 апрель куни кечқурун отиб кетилди. Бу ҳақда “Tengrinews” хабар берди.

Ҳужум оқибатида ҳокимлик ходими ўқдан жароҳат олиб, касалхонага ётқизилган. Тиббий ёрдам кўрсатиш учун жабрланувчига шифохонага олиб кетилган.

Жабрланувчининг операциядан кейинги ташхиси – ўнг тарафдаги кўкрак қафасининг пенетрацион ўқ жароҳати, ўнг ўпканинг пастки бўлаги, қовурғалараро артериялар ва диафрагманинг кўплаб жароҳатлари, шунингдек, ўнг томондан гемопневмоторакс.

Бундан ташқари, қорин бўшлиғининг кўп сонли ўтказувчан жароҳатлари, жигар шикастланиши, ички қон кетиши, ўнг буйрак, елка ва билакнинг кўплаб ўқ жароҳатлари, ташқи қон кетиши аниқланган. Плевропульмонер ва геморрагик шок қайд этилган.

Олиб борилган тезкор қидирув тадбирлари натижасида гумонланувчи шахс ушланиб, вақтинча сақлаш ҳибсхонасига жойлаштирилган. Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда. Полиция воқеанинг барча ҳолатлари аниқланишини таъкидлаган.

Маълумот учун, Руслан Берденов 2023 йилнинг мартидан 2025 йилнинг февралигача парламент депутати бўлган. У 2025 йилнинг февраль ойи охирида Чимкентда ҳоким ўринбосари лавозимига тайинланган эди.

Эслатиб ўтамиз, жорий йилнинг 18 январь куни Эрон Олий судида отишма содир этилиши оқибатида икки судья ҳалок бўлганди. Ҳужумни амалга оширган шахс ўз жонига қасд қилганди.