Қозоғистонда мотам: Авиаҳалокат қурбонлари ҳақида расмий маълумот берилди

Олам 8635
image

Қозоғистонда 28 декабрь авиаҳалокат қурбонларининг хотираси учун миллий мотам куни деб, эълон қилинди. Бу ҳақда Қозоғистон Президентининг Матбуот котиби маълум қилди.

Қозоғистон Ички ишлар вазирлиги Bek Air авиакомпаниясининг Олма-ота–Нур-Султон йўналишида учган самолётининг ҳалокатга учраши бўйича Жиноят кодексининг 344-моддаси 3-қисми (“ҳаво транспортининг хавфсизлиги ва ундан фойдаланиш қоидасини бузиш”) билан жиноий иш қўзғади. Вазирлик ҳалокатда 12 киши қурбон бўлгани ва 49 киши жароҳатланганини расман маълум қилди.

Қозоғистоннинг Биринчи Президенти – Элбоши Нурсултон Назарбоев ҳам самолёт ҳалокатида қурбон бўлганларнинг оилаларига ҳамдардлик билдирди.

“Олма-ота шаҳридаги аэропортдан учган самолёт ҳалокатида қурбон бўлган ва жабрланганлар ҳақидаги хабарни чуқур қайғу билан қабул қилдик. Қайғуингизни бўлишиб, ҳалок бўлганларнинг яқинларига ҳамдардлик ва жабрланганларга тезроқ тузалиб кетишларини тилайман”, деган Назарбоев.

Эслатиб ўтамиз, Олма-отадаги авиаҳалокат қурбонлари сони ортиб боряти.

Суннатилла Абдуллаев
Мақолага баҳо беринг
Баҳолаганлар: 296
Рейтинг: 3.1
t
×