Қонли жангда Бетербиев рақибини нокаутга учратди

Спорт

image

Кеча, 18 гоябрь куни Канаданинг Монреаль шаҳридаги “Bell Center” аренасида профессионал бокс кечаси ташкил этилди.

Оқшомнинг асосий жанги ярим оғир вазн тоифасида IBF ва WBC йўналишлари чемпиони Артур Бетербиев (17-0, 17 КО) америкалик Маркус Браунга (24-2, 16 КО) қарши рингга кўтарилди ва 9-раундда нокаут эвазига ғалаба қозонди. Унга қадар еттинчи раундда Браун нокдаун ҳолатига тушган эди.

“Пешонамдаги жароҳат фаолиятимдаги янги тажриба. Бу бокс ва унда нима бўлишини ҳеч ким билмайди. Ғалаба қозонганимдан хурсандман. Қўллаб-қувватлаганингиз учун барчангизга раҳмат. Энди нима бўлади? Ётиб ухлаймман. Ҳар қандай жангга тайёрман. Энг яхши жангчилар билан муштлашмоқчиман. Энг зўри бўлиш учун энг зўрларини мағлуб этиш керак”, дейди Бетербиев.

Эслатиб ўтамиз, ҳар икки боксчи жангни оғир жароҳатлар билан ўтказди. Ғалаба қозонганига қарамай “оқ бўри” пешонасидан жиддий жароҳат олган эди. Бироқ қонли жанг давом эттирилди. 9-раундга келиб Бетербиев бир нечта кучли заралар йўллади ва америкалик “сэр” жангни давом эттира олмади.

Маълумот учун, яримоғир вазн тоифасида қолган иккита чемпионлик камарига россиялик Дмитрий Бивол (WBA) ва америкалик Жо Смит (WBO) эгалик қилади.
 


Мақола муаллифи

Теглар

WBA WBC Артур Бетербиев IBF WBO Дмитрий Бивол Жо Смит Монреаль Маркус Браун

Баҳолаганлар

54

Рейтинг

3

Мақолага баҳо беринг

Дўстларингиз билан улашинг