“Қизил қор ёққанда”... Конимех тумани ҳокими ўзига жарима тайинлагани ростми?
Local
−
31 August 2023 12964 1 minute
Ижтимоий тармоқларда Навоий вилояти Конимех тумани ҳокими Руслан Рўзиев ўзига ўзи жарима жазоси тайинлагани ҳақида хабарлар тарқалди. Ҳолат юзасидан туман ҳокимлиги муносабат билдирди.
Қайд этилишича, ушбу хабар асоссиз бўлиб, жарима тайинлаш бўйича бирор ҳужжат қабул қилинмаган.
“Шу ўринда ижтимоий тармоқ фойдаланувчиларидан ушбу турдаги асоссиз ахборотларга ишонмасликни сўраймиз”, дейилади хабарда.
Маълумот учун, Руслан Рўзиев 2022 йил 10 май куни ушбу туманга ҳоким этиб тайинланган.
