Қабул якунланди. Рўйхатдан ўтган абитуриентлар сони 1,5 млнга яқинлашди

2020-2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш расман якунланди.

Рўйхатга олиш 20 июндан 20 июлга қадар барча ҳудудларда Давлат тест марказининг расмий веб-сайти ва Ягона портал орқали, республиканинг 8 та туманида эса ДХМлар орқали амалга оширилди.

Рўйхатдан ўтган жами абитуриентлар 1 484 085 нафарни ташкил этди. Шундан, жорий йил битирувчилари 536 144 нафар (36,13 фоиз).

Таълим шакли бўйича:

•    Кундузги таълим шакли – 798 608 нафар (53,81 фоиз);
•    Сиртқи таълим шакли – 648 733 нафар (43,71 фоиз);
•    Кечки таълим шакли – 36 744 нафар (2,48 фоиз).

Тиллар кесимида:

•    Ўзбек тили – 1 297 445 нафар (87,42 фоиз);
•    Рус тили – 139 115 нафар (9,37 фоиз);
•    Қорақалпоқ тили – 44 279 нафар (2,98 фоиз);
•    Бошқа тиллар – 3 246 нафар (0,22 фоиз).

Имтиҳонларда барчага муваффақият тилаймиз.