Исроилнинг Эронга ҳужуми тезлашиши мумкин – “Bloomberg”
Олам
−
02 Март 2023 8267
Исроил Эроннинг ядровий дастурига қарши зарба бериш ҳақида тез фурсат ичида қарор қабул қилиши мумкин. Бунга Теҳроннинг Россиядан S-400 русумли зенит-ракета комплексларини сотиб олиш истаги сабаб бўлади. Бу ҳақда бугун, 2 март куни “Bloomberg” агентлиги Исроил ва АҚШдаги манбаларига таяниб хабар берди.
Қайд этилишича, Эрон Россиядан S-400 ракета тизимларини олишга интилмоқда. Исроил эса буни Теҳрон ядровий иншоотларига эҳтимолий зарбалар учун тўсиқ сифатида кўрмоқда. Шунинг учун ҳам Эроннинг бу истаги Исроилнинг эҳтимолий ҳужум бўйича қарорини тезлаштириши мумкин.
Шунингдек, жорий йил охиригача Теҳрон 10 та бомба ясаш учун етадиган 60% бойитилган уранга эга бўлиши кутилмоқда. Исроил эса Эроннинг ядровий қудрати кучайишига йўл қўйишни хоҳламайди. Унга тўсқинлик қилиш учун эса ҳарбий таҳдиддан фойдаланиши мумкин.
Эслатиб ўтамиз, аввалроқ Исроил Бош вазири Беньямин Нетаньяху ҳарбий куч билан ишончли таҳдид Эрон каби давлатларни ядровий қурол ишлаб чиқаришдан сақлаб қолишнинг ягона йўли эканини айтган эди.
Live
Барчаси
