Исроил Мадримов Тhe Ring рейтингида афсонавий Кроуфорддан кейинги ўринни қайд этди
Спорт
−
27 Август 9200
Ўзбекистонлик профессионал боксчи Исроил Мадримов Тhe Ring рейтингида иккинчи поғонага кўтарилди. Бу ҳақда “Тhe Ring” журнали хабар берди.
Мадримов рейтингининг янгиланиши унинг ҳозирда рейтингда юқори поғонани эгаллаб турган Теренс Кроуфордга қарши сўнгги жангидан сўнг кузатилди. Яъни рейтингнинг пешқадамлиги Мадримов устидан очколар ҳисобига кўра ғалаба қозонган Кроуфордда қолди.
Тhe Ring рейтингидан жой олган топ ўнталикка кирган боксчилар:
- 1. Теренс Кроуфорд (АҚШ)
- 2. Исроил Мадримов (Ўзбекистон)
- 3. Себастьян Фундора (АҚШ)
- 4. Виржил Ортис (АҚШ)
- 5. Тим Цзю (Австралия)
- 6. Сергей Богачук (Украина)
- 7. Эриксон Лубин (АҚШ)
- 8. Хесус Рамос (АҚШ)
- 9. Чарльз Конуэлл (АҚШ)
- 10. Браян Мендоза (АҚШ).
Эслатиб ўтамиз, вазн тоифасидан қатъи назар (P4P) рейтингига кириш учун ўзбекистонлик боксчи Исроил Мадримов 3 август куни АҚШнинг Лос-Анжелес шаҳридаги 22 минг томошабин сиғимига эга “BMO Stadium” аренасида кечанинг марказий жангида америкалик Теренс Кроуфордга қарши рингга кўтарилди. Калифорния штатида ўтган бокс оқшомида Мадримов афсонавий Кроуфордга очколар (115-113, 115-113, 116-112) ҳисобига мағлуб бўлди.
Live
Барчаси
