Исроил Мадримов профессионал бокснинг WBA йўналишида жаҳон чемпиони бўлди
Sport
−
09 March 2024 12965 1 minute
Кеча, 8 март куни супер ярим ўрта вазн тоифасида фаолият олиб бораётган ўзбекистонлик боксчи Исроил Мадримов Бутунжаҳон бокс ассоциацияси (WBA) камари учун россиялик Магомед Қурбоновга қарши жанг қилди.
Саудия Арабистонининг Ар-Риёд шаҳридаги "Kingdom Arena" мажмуасида ташкил этилган бокс оқшомида Исроил Мадримов рақибини техник нокаутга учратди. 12 раундга белгиланган жангнинг 5 раундида ўзбекистонлик боксчининг кетма-кет зарбаларидан сўнг рефери баҳсни тўхтатди ва техник нокаут қайд этди.
Исроил Мадримов чемпионлик камарини қўлга киритди. Бу унинг фаолиятидаги 10-жангида 9-ғалабаси бўлди.
Live
All
