Исроил Ғазо қуршаб олинганини маълум қилди
Олам
−
03 Ноябрь 2023 7197
Исроил мудофаа кучлари Ғазони қуршаб олишни якунлади. Бу ҳақда мамлакат мудофаа кучлари вакили бригада генерали Даниэль Хагарий кечки брифингда маълум қилди.
Унинг сўзларига кўра, исроиллик ҳарбийлар ҲАМАСнинг постлари, штаб-квартиралари, учириш майдончалари ва учириш инфратузилмаларига ҳужум қилиб, йўқ қилмоқда.
“Times of Israel” нашрига кўра, Хагарий ўт очишни тўхтатиш атамаси ҳозирда умуман муҳокама қилинмаётганини айтган.
Эрон томонидан қўллаб-қувватланган гуруҳлар, хусусан, Ливан “Ҳизбуллоҳ”и ва Яман ҳусийларининг ҳужумларига келсак, Ҳагарий шу йўл билан Исроил эътиборини Ғазо секторидан чалғитмоқчи, деб ҳисоблайди.
"Биз ҲАМАСга эътибор қаратмоқдамиз", деган у.
Эслатиб ўтамиз, олдинроқ Ливаннинг “Ҳизбуллоҳ” гуруҳи илк марта учувчисиз учоқлари ёрдамида Исроил армияси позицияларига зарба берганди.
Live
Барчаси
