Иштихон ҳокимлиги ходими журналистнинг кадрларга тўла “флешка”сини еб қўйгани айтилмоқда
Жамият
−
15 Июнь 2021 10913
Аввалроқ, Самарқанд вилоятининг Иштихон туманидаги бозорда ёнғин содир бўлгани ҳақида хабар берган эдик.
Иштихонда ёниб кетган бозор ҳақида лавҳа тайёрламоқчи бўлган My5 телеканали “Марказий студия” кўрсатуви ходимлари Иштихон тумани ҳокимлиги Матбуот хизмати ходимининг жиддий қаршилигига дуч келгани айтилмоқда.
Туман ҳокимлиги Матбуот хизмати ходими Илҳом Бобоев “Марказий студия” кўрсатуви камерасидаги хотира картасини (флешка)нм суғуриб олиб, оғзига солиб ютиб юборган.
Самарқанд вилояти ҳокимлиги ҳолат юзасидан муносабат билдириб, вазият юзасидан ўрганиш бошланганини маълум қилди.
“Иштихон туманида ҳокимлик матбуот хизмати ва журналист билан боғлиқ ҳолат вилоят ҳокимлиги ахборот хизмати ҳамда АОКА ҳудудий бошқармаси томонидан иккала томон иштирокида тўлиқ ўрганиб чиқилиши белгиланди”, дейилади вилоят ҳокимлиги хабарида.
