“Интер” вице-президенти Мессининг Милан клубига ўтиш имкониятларини баҳолади
Спорт
−
01 Март 2023 4673 1 дақиқа
“Интер” вице-президенти Хавьер Занетти ПСЖ футболчиси Лионель Месси 2022 йилнинг энг яхши футболчиси бўлганига изоҳ берди. Бу ҳақда Занетти ESPN'га берган интервьюсида айтиб ўтди.
“Мен учун Месси футболнинг моҳиятидир ва у буни бутун фаолияти давомида кўрсатиб келган. Лео 2022 йилнинг энг яхши футболчиси совринига тўлиқ лойиқ эди. ЖЧ-2022 финалидан сўнг мен майдонга чиқдим ва уни қучоқлаб олдим, орзум амалга ошишига ёрдам бергани учун миннатдорчилик билдирдим. Леонинг “Интер”га келиши қийин масала ва менимча, у бизга бироз қимматлик қилади”, дейди Занетти.
Эслатиб ўтамиз, аввалроқ “The Best” соврини учун Ўзбекистон вакиллари кимларга овоз бергани маълум бўлганди. Терма жамоа бош мураббийи Сречко Катанец футболчилар сўровномасида Мбаппени танлаганди.
