Instagram янги функция тақдим этади 

Технология 6273
image

Instagram ижтимоий тармоғи фойдаланувчилари ўз постлари остидаги "лайк"ларни яшириши мумкин бўлади. Бу ҳақда Instagram раҳбари Адам Моссери маълум қилган.  

"Сизга қайси бири мақбул эканлиги тўғрисида қарор қабул қилишга имкон берадиган янги хусусиятни синовдан ўтказмоқдамиз: бошқаларнинг постидаги "лайк"лар сонини кўрмаслик учун, ўзингизнинг "лайк"ларингиз сонини кўринмайдиган қилиб қўйишингиз мумкин бўлади", деган Моссери. 

Унинг аниқлик киритишича, ушбу функциядан бир йилдан бери етти мамлакатда, жумладан, Канада ва Бразилияда фойдаланиб келинмоқда.  

Ижтимоий тармоқ баъзи фойдаланувчилар ўз постларининг машҳурлик даражасини кўриш учун "лайк"ларни сақлашни афзал кўришини аниқлаган. 

Аввалроқ, Instagram ижтимоий тармоғи платформадан фойдаланишда вояга етмаганларни ҳимоя қилиш бўйича янги чораларни эълон қилганди. 

Рушана Султонова
Мақолага баҳо беринг
Баҳолаганлар: 210
Рейтинг: 3
Теглар
t
×