Insoniyat har ikki haftada bir tilni yo‘qotadi – BMT

north_east

Mandarin, arab, koreys, yapon – o‘rganish uchun eng qiyin tillar

Har ikki haftada insoniyat bitta tilni va u bilan birga madaniy hamda intellektual merosining noyob qismini yo‘qotadi. Bu haqda Birlashgan Millatlar Tashkiloti hisobotida keltirilgan.

21 fevral sanasi dunyoda har yili Xalqaro ona tili sifatida nishonlanadi. UNESCO ma’lumotlariga ko‘ra, hozirda mavjud bo‘lgan 8324 tildan 7000 ga yaqini faol qo‘llaniladi.

Biroq, faqat bir necha yuz tillar ta’lim tizimi va hukumatda muhim rol o‘ynaydi. Raqamli dunyoda yuzdan ortiq til ishlatilmaydi.

Xalqaro ona tili kuni birinchi marta 1999 yilda UNESCO tomonidan e’lon qilingan va keyinchalik BMT Bosh Assambleyasi tomonidan tasdiqlangan. Bu kun inklyuziyani rag‘batlantirish va barqaror rivojlanish maqsadlariga erishishda tillarning rolini ta’kidlaydi. Ko‘p tilli ta’lim nafaqat inklyuziv jamiyatlarni yaratishga yordam beradi, balki ozchilik va mahalliy tillarni saqlab qolishga yordam beradi.