Иқлим ўзгариши вино, зайтун мойи, қаҳва ва какао нархларини оширмоқда – WSJ

Глобал исиш зайтун мойи, қаҳва ва какао каби маҳсулотлар ишлаб чиқаришни кескин камайишига ва уларнинг нархи ошишига сабаб бўлмоқда. Бу ҳақда "The Wall Street Journal” хабар берди.

Манбанинг таъкидлашича, бу маҳсулотларнинг таъминоти баъзи минтақаларгагина боғлиқ. Шунинг учун, у ердаги беқарор об-ҳаво глобал нархларга жуда жиддий таъсир кўрсатиши мумкин.

“Сўнгги икки йил ичида зайтун мойининг нархи икки баравар ошди. Чунки иссиқ ҳаво ва қурғоқчилик Ўрта ер денгизи бўйлаб зайтун боғларига зарар етказди”, дейди нашр.

Ғарбий Африкадаги ҳаддан ташқари иссиқлик ва ёғингарчиликнинг камлиги, ўз навбатида, бу йил какао ва ловия нархини рекорд даражага кўтарди ва шоколад ишлаб чиқарувчиларнинг харажатлари ошишига сабаб бўлди.

Дунёдаги иккинчи йирик ишлаб чиқарувчи Вьетнамда кучли қурғоқчилик “робуста” навининг нархини 45 йил ичида энг юқори даражага кўтарганидан сўнг харидорлар қаҳва захирасини ҳам тўплай бошладилар. Arabica ловиялари ҳам қимматлашди.

Баъзи вино ёки зайтун мойи ишлаб чиқарувчилари Канада, Буюк Британия, Швеция ва Австрия каби шимолий мамлакатларга кўчиб ўтмоқда. Бироқ, нашрнинг ёзишича, ишлаб чиқаришни йўлга қўйиш учун уларга вақт керак бўлади.

Бутун дунё фермерлари суғориш тизимларини ўрнатиш, қурғоқчиликка чидамли янги навларни экиш ва эски анъаналарни қайта кўриб чиқиш орқали қурғоқчиликка мослашишга ҳаракат қилмоқда.