Ибн Сино – ўзбек алломаси, деб аталгани учун Тожикистон вазирининг авзойи бузилди (видео)
Олам
−
27 Январь
20664CNN томонидан яқинда чоп этилган мақолага жавобан ўз расмий позициясини билдирган Тожикистон Маданият вазири Матлубахон Сатториён ушбу мақолада Абу Али ибн Сино “нотўғри” равишда ўзбек олими деб аталганидан норози бўлди. Бу ҳақда у бугун, 27 январь куни бўлиб ўтган матбуот анжуманида сўз очди.
Вазирнинг сўзларига кўра, CNN материалида айтилган айбловлар тарихий асосга эга эмас ва нуфузли тарихий манбаларни эътиборсиз қолдирадиган нотўғри талқинларни ифодалайди.
“Бу қўшни давлатнинг расмий позицияси эмас, аксинча, нотўғри бўлиши мумкин бўлган асоссиз баёнотлар”, деди Сатториён.
У бу каби ҳаракатларга дипломатик одоб доирасида қатъий жавоб талаб этилишини таъкидлаган. Вазир Абу Али ибн Сино буюк олим ва маданият арбоби экани, унинг мероси халқаро аҳамиятга молик ва, албатта, бир миллатга эмас, балки бутун инсониятга тегишли эканини алоҳида таъкидлаган.
“Унинг илмий ҳиссаси ва фалсафий асарлари халқаро миқёсда эътироф этилган бўлиб, кўп асрлар давомида тожик ва жаҳон илм-фанининг муҳим қисми бўлиб келган”, дея қўшимча қилди у.
Сатториён, шунингдек, тожик олимлари ва тадқиқотчилари тарих ва маданият соҳасида чуқур билимга эга бўлган ҳолда, миллатнинг маданий ва илмий меросини ўзлаштиришга уринаётганларга илмий асосланган жавоб бера олишига ишонч билдирган. Вазир тарихий шахсларга холис ёндашиш муҳимлигини таъкидлаб, халқаро оммавий ахборот воситаларини тарихий фактларга оид материалларни синчиклаб текшириш зарурлиги ҳақида огоҳлантирди.
Маълумот учун айтадиган бўлсак, Абу Али ибн Сино 980 йилнинг 18 июнида Бухоро яқинидаги Афшона қишлоғида туғилган ва 1037 йилнинг 16 августида Ҳамадон (Эрондаги шаҳар)да вафот этган. У таваллуд топган ҳудуд айни пайтда Бухоро вилоятининг Пешку туманига тўғри келади. Ибн Синонинг отаси Абдуллоҳ эса Балх шаҳридан бўлиб, бу шаҳар ҳозирги Афғонистон еридир.
LiveБарчаси
17 Февраль
Тренддагилар
![Хонанда Ширин Абдуллаева 19 ёшида вафот этди](https://ad-admin.qalampir.uz/uploads/JL/thumb_p6Pyauvu6GYY468LINoNRnAqu46EgF.jpg)
![Эртага қаерларда ёмғир, қор ёғиши айтилди](https://ad-admin.qalampir.uz/uploads/ty/thumb_uOhYZglgCg96vAvMCTmpPjsGwFyZ0h.jpg)
![Ҳусановнинг бугунги ўйини қандай баҳоланди?](https://ad-admin.qalampir.uz/uploads/S4/thumb_JMqtoECOLyAJeIO9bckT8q1JxyELzW.jpg)
![Ўзбекистонда 1 мартдан ойлик ва нафақалар ошадими?](https://ad-admin.qalampir.uz/uploads/LF/thumb_AV506IfBgmW3B2hZlNW2THujNmRi9d.jpg)
![Мексикалик модель қаерга ғойиб бўлди: каннибализм ҳақиқатлари](https://ad-admin.qalampir.uz/uploads/MO/thumb_GfUvFGooZulAcJ2EPRWQP8CI07Varh.jpg)