Google’дан энг кўп қидирилган украиналиклар рейтинги эълон қилинди

Интернет тармоғидаги йирик қидирув тизими Google 2023 йилда украиналик фойдаланувчилар сўровларининг якуний рейтингини тақдим этди. 

Унга кўра, бокс бўйича оғир вазн тоифасида WBA, WBO, IBO ва IBF йўналишлари чемпиони Александр Усик (21-0, 14 КО) ва “Челси” вингери Михаил Мудрик украиналикларда “Энг кўп қизиқиш уйғотган шахс” йўналишида кучли ўнталикка кирди.
Усик рейтингда 4-ўринни, Мудрик 6-ўринни эгаллади. Рейтингда Украина Мудофаа вазири Рустам Умаров пешқадам бўлди.

Эътиборлиси, қидирув сўровлари орасида Россия Президенти Владимир Путин ҳам бор, у рейтингда 5-ўринни банд этди.

Рейтинг:

1. Рустам Умаров;
2. Спартак Суббота;
3. Алексей Арестович;
4. Александр Усик;
5. Владимир Путин;
6. Михаил Мудрик;
7. Кирилл Буданов;
8. Дмитрий Линартович;
9. Ирина Фарион;
10. Гарик Бирча.

Маълумот учун, Александр Усик 2024 йилнинг 17 февралида британиялик Тайдон Фюрига қарши мутлақ чемпионлик жангида қатнашади. Жанг Ар-Риёдда бўлиб ўтади. Ўзининг сўнгги жангида Усик тўққизинчи раунднинг бошида британиялик Даниэль Дюбуани мағлуб этган.