Гонконгдаги норозилик намойишлари кескинлашаётгани айтилди

Бугун, 1 июль куни Гонконг полицияси ҳукуматга қарши ноқонуний митингларда 300 дан ошиқ иштирокчини ҳибсга олди. Бундай маълумотлар ҳуқуқни муҳофаза қилиш органлари Матбуот хизмати тарқатган сўнгги ҳисоботда келтирилган.

"Маълумотларга кўра, соат 20:00 (Тошкент вақти билан соат 17:00) да полиция томонидан 300 дан ортиқ киши ҳибсга олинган. Улар орасида беш киши ва тўрт аёл Гонконг миллий хавфсизлик тўғрисидаги янги қонунни бузганликда гумон қилинмоқда. Вазият соатма-соат кескинлашмоқда", дейилади маълумотда.

1 июль куни минглаб намойишчилар Козуэй-бэй ва Ванчай туманларида йиғилиб, Хитой парламенти Гонконгнинг автоном мақомини бузувчи ушбу қонунни қабул қилганига қарши чиқишди. Улар тарқалиб, йўлнинг ён қисмига ўт қўйишди, ҳаракатланишни тўхтатишга ҳаракат қилишди, йўлак тошларини бузиб ташлашди, вандализм ҳаракатларини намойиш этишди.

Полиция намойишчиларни тарқатиш учун кўздан ёш оқизувчи газ, резина ўқлар ва сув тўпларидан фойдаланган. Тўқнашувлар пайтида бир полициячи жароҳат олган. Айрим маълумотларга кўра, бир нафар полиция ходимига ўткир тиғли буюм билан жароҳат етказилган.

Норозилик митинглари Гонконгнинг ХХР парламенти томонидан ушбу махсус маъмурий ҳудудда миллий хавфсизлик тўғрисидаги қонун қабул қилинган кундан кейин бошланди. Пекинда таъкидланганидек, ушбу ҳуқуқий ҳужжат сепаратизм, терроризм, давлат ҳокимияти ва хорижий кучлар билан тил бириктиришнинг олдини олишга қаратилган. У умрбод озодликдан маҳрум қилиш билан боғлиқ жиноятлар учун максимал жазони, шунингдек, Гонконгда ХХР хавфсизлик агентликларини ташкил этишни кўзда тутади.