Gonkongdagi norozilik namoyishlari keskinlashayotgani aytildi

Bugun, 1 iyul kuni Gonkong politsiyasi hukumatga qarshi noqonuniy mitinglarda 300 dan oshiq ishtirokchini hibsga oldi. Bunday ma’lumotlar huquqni muhofaza qilish organlari Matbuot xizmati tarqatgan so‘nggi hisobotda keltirilgan.

"Ma’lumotlarga ko‘ra, soat 20:00 (Toshkent vaqti bilan soat 17:00) da politsiya tomonidan 300 dan ortiq kishi hibsga olingan. Ular orasida besh kishi va to‘rt ayol Gonkong milliy xavfsizlik to‘g‘risidagi yangi qonunni buzganlikda gumon qilinmoqda. Vaziyat soatma-soat keskinlashmoqda", deyiladi ma’lumotda.

1 iyul kuni minglab namoyishchilar Kozuey-bey va Vanchay tumanlarida yig‘ilib, Xitoy parlamenti Gonkongning avtonom maqomini buzuvchi ushbu qonunni qabul qilganiga qarshi chiqishdi. Ular tarqalib, yo‘lning yon qismiga o‘t qo‘yishdi, harakatlanishni to‘xtatishga harakat qilishdi, yo‘lak toshlarini buzib tashlashdi, vandalizm harakatlarini namoyish etishdi.

Politsiya namoyishchilarni tarqatish uchun ko‘zdan yosh oqizuvchi gaz, rezina o‘qlar va suv to‘plaridan foydalangan. To‘qnashuvlar paytida bir politsiyachi jarohat olgan. Ayrim ma’lumotlarga ko‘ra, bir nafar politsiya xodimiga o‘tkir tig‘li buyum bilan jarohat yetkazilgan.

Norozilik mitinglari Gonkongning XXR parlamenti tomonidan ushbu maxsus ma’muriy hududda milliy xavfsizlik to‘g‘risidagi qonun qabul qilingan kundan keyin boshlandi. Pekinda ta’kidlanganidek, ushbu huquqiy hujjat separatizm, terrorizm, davlat hokimiyati va xorijiy kuchlar bilan til biriktirishning oldini olishga qaratilgan. U umrbod ozodlikdan mahrum qilish bilan bog‘liq jinoyatlar uchun maksimal jazoni, shuningdek, Gonkongda XXR xavfsizlik agentliklarini tashkil etishni ko‘zda tutadi.