Гетжи Махачевни ютиб, Ҳабибдан “қасос” олмоқчи

Америкалик UFC жангчиси Жастин Гетжи нега енгил вазнда UFC жаҳон чемпиони, россиялик Ислом Махачевга қарши жанг қилишни хоҳлаётганини маълум қилди.

Гетжининг айтиши бўйича, Махачев устидан қозонилган ғалаба спортчи учун Ҳабибдан учралган мағлубиятининг “қасоси” бўлади.

“Махачевни мағлуб этиб, Ҳабибдан енгилганимнинг “қасос”ини олмоқчиман. Бу менинг имкониятим. Ҳабиб кетди. Ислом эса унинг давомчиси. Шунинг учун уни мағлуб этишим керак. Махачев эса Оливейрани мағлуб этди. Шундай қилиб, Исломни енгиб, мен бирданига иккита мағлубиятимга реванш оламан”, дейди Гетжи.

Қайд этиш жоиз, 2020 йил октябрь ойида Жастин Гетжи Ҳабиб Нурмуҳаммедовга ютқазиб, енгил вазнда UFC чемпиони бўлиш имкониятини қўлдан бой берган эди.

Маълумот учун, жорий йилнинг 29 июль кунида Гетжи АҚШнинг Солт-Лейк-Сити шаҳрида бўлиб ўтадиган UFC 291 турнирининг асосий жангида Дастин Порье билан куч синашади.