Гарвард ва Оксфордда ўқиган профессор Самарқанддаги туризм университетига проректор бўлди

Жамият 3298
image
-

Самарқанд шаҳридаги “Ипак йўли” халқаро туризм университетининг ўқув ишлари бўйича проректори лавозимига профессор Раймонд Жозеф Хоффман тайинланди.

Раймонд Жозеф Хоффман – маданий туризм ва мерос, шунингдек, диншунослик соҳасида юқори тажрибага эга бўлган салоҳиятли мутахассис. У АҚШнинг Гарвард, Буюк Британиянинг Оксфорд, Германиянинг Гейдельберг университетларида таҳсил олиб, МТС магистри, тарих ва археология фанлари бўйича докторлик даражасига эга бўлган.

Шу билан бирга, у Буюк Британиядаги Кембриж ва АҚШнинг Корнелл каби дунёнинг етакчи университетларида илмий ишлар бўйича бошқарув лавозимларида ҳам фаолият юритган.

Хоффман Осиё жамияти (UNESCO) томонидан ҳомийлик қилинган “Religions of the Silk Road. A History of Cultural Interchange from the Death of Alexander to the Islamic Renaissance” тадқиқот лойиҳаларида Оксфорд университети нашриётида бош муҳаррирлик қилган. Унинг муаллифлиги остида 9 та ва муҳаррирлигида 7 та монография ҳамда 273 та илмий, энциклопедик мақола ва шарҳлар чоп этилган.

Умиджон Нозимжонов
Мақолага баҳо беринг
Баҳолаганлар: 133
Рейтинг: 2.9
Теглар
t
×