Футбол мухлислари совуқ қишда қайноқ “Эль-Класико” томоша қиладиган бўлди

Спорт

−

13 Январь 2023 visibility10845

Айни кунларда Саудия Арабистонида Испания суперкубоги баҳслари ўтказилмоқда. 13 январга ўтар кечаси мусобақанинг иккинчи ярим финал ўйини бўлиб ўтди.

Дастлабки финалолди ўйинда “Реал” пеналтилар сериясида “Валенсия”дан устун келган бўлса, иккинчи ярим финалда Каталониянинг “Барселона” клуби “Бетис”ни пеналтиларда мағлубиятга учратди. Шундай қилиб суперкубок финалида футбол ишқибозлари шиддатли “Эль-Класико” гувоҳига айланади.

“Реал” ва “Барселона” ўртасидаги финал баҳси 15 январь куни соат 23:55 да старт олади.

Шу вақтга қадар жамоалар Испания суперкубогида 14 марта тўқнаш келган. Баҳслардан 4 тасида каталонияликларнинг қўли баланд келган бўлса, 8 та ўйинда “қироллик клуби” устун келган. 2 та ўйинда клублар муроса йўлини танлаган.

Мақола муаллифи