Францияда аборт қилдириш қонунийлаштирилди
Олам
−
09 Март
6449Францияда аёлларнинг ҳомиладорликдан воз кечиш ҳуқуқини белгиловчи қонун расман кучга кирди. Тегишли қонун ўзгариши ҳукуматнинг расмий нашри “Journal official”да эълон қилинди.
Унга кўра, Конституциянинг 34-моддасига "аёлнинг ҳомиладорликни ихтиёрий равишда тўхтатиш эркинлиги"ни тақдим этувчи янги банд киритилган.
Аёлларнинг аборт қилиш ҳуқуқини конституцияга киритиш тўғрисидаги қарорни Франция парламентидаги 925 депутат ва сенатордан 780 нафари қўллаб-қувватлаган. Конституцияга тегишли моддани киритишни таклиф қилган Президент Эммануэл Макрон эса парламент қарорини маъқуллади.
Маълумот учун, Францияда абортга рухсат берувчи қонун 1975 йилдан бери амал қилади, бироқ ўтган йилнинг кузида Макрон бу қоидани Конституцияга киритишни таклиф қилган эди.
“Республика бу нормани қонун билан мустаҳкамлаган дунёдаги биринчи давлатдир”, дейди Адлия вазири Эрик Дюпон-Моретти.
LiveБарчаси