“Fly Egypt” самолёти Тошкент устида қоидага зид ҳаракатланди. Ҳолат бўйича комиссия тузилди

Жамият 9970
image
-

Ижтимоий тармоқларда Мисрнинг “Fly Egypt” авиакомпанияси ҳаво кемаси Тошкент устидан рухсат берилмаган қайрилишни амалга ошириб қонунни бузгани ҳақида хабарлар тарқалди.

Ўзбекистон Транспорт вазирлиги Матбуот хизмати ҳолат юзасидан расмий маълумот берди.

Унга кўра, кеча, 26 май куни Тошкент – Қоҳира йўналиши бўйича FEG 1402 қатновини бажараётган “Fly Egypt” авиакомпаниясининг рўйхат рақами SU TMG бўлган, Boeing-737 русумли ҳаво кемаси экипажи “Тошкент” аэропортидан парвозни амалга ошириш жараёнида нотўғри манёврни амалга оширган.

Айни дамда ушбу ҳолат юзасидан Ўзбекистон Республикаси Вазирлар Маҳкамасининг 2000 йил 27 декабрдаги 505-сон қарори билан тасдиқланган “Ўзбекистон Республикасида фуқаро авиация ҳаво кемалари билан содир бўлган авиация ҳалокати ва инцидентларини текшириш қоидалари”га мувофиқ авиаҳодиса текширувини ўтказиш юзасидан комиссия тузилди.

Комиссия томонидан ҳолат бўйича текширув ишлари олиб борилмоқда.

Суннатилла Абдуллаев
Мақолага баҳо беринг
Баҳолаганлар: 595
Рейтинг: 2.9
t
×