FIFA o‘yinlarni oldindan kelishgan klubni jazoladi

Xalqaro futbol tashkiloti (FIFA) Dominikan Respublikasi klubi “Atletiko San-Kristobal”ni sport daxlsizligini jiddiy buzganligi va kelishilgan o‘yinlarda ishtiroki sababli chetlatdi. FIFA qaroriga ko‘ra, klub Dominikan futbol ligasining (LDF) 2025-26 yilgi mavsumidan darhol chiqarilishi e’lon qilindi.

Qaror FIFA Tartib-intizom qo‘mitasi tomonidan chiqarilgan bo‘lib, Syurixdan yuborilgan rasmiy bildirishnoma orqali e’lon qilindi. Hujjatda ta’kidlanishicha, FIFA Tartib-intizom kodeksining 20-moddasi bo‘yicha rasmiy musobaqalarda har qanday shakldagi kelishilgan o‘yinlar jazo choralarini talab qiladi. Shunga muvofiq, “Atletiko San-Kristobal” kelasi mavsum uchun Dominikan quyi ligasiga tushirildi.

FIFA, shuningdek, Dominikan futbol federatsiyasiga  klub faoliyati va kelishilgan o‘yinga qarshi kurash, ta’lim va mamlakatdagi musobaqalar yaxlitligini mustahkamlash bo‘yicha reja tuzishni topshirdi.

Chetlatish sababli jamoaning “Moca”ga qarshi uchrashuvi bekor qilindi. Bu sanksiya klubning 13 o‘yinda qayd etgan 11 mag‘lubiyat va 2 durangini hisobga olgan holda, Dominikan futbolidagi eng og‘ir jazolardan biri sifatida qayd etilmoqda.

Ekspertlar bu chorani milliy sport turlarida noqonuniy pul tikish va kelishilgan o‘yinga qarshi signal sifatida baholamoqda. FIFA bunday voqealarni oldini olish rejasini talab qilib, Dominikan futbolida nazorat, ta’lim va shaffoflik mexanizmlarini kuchaytirishni tavsiya qilmoqda.