Arsen Venger FIFA prezidenti bölişi mumkin

“Arsenal”ning sobiq boş murabbiyi Arsen Venger Xalqaro futbol federatsiyasi (FIFA) prezidenti lavozimiga nomzodini qöyişi mumkin. Bu haqda “L’Équipe” naşri xabar berdi.

Manbaga köra, Venger kelasi haftaning örtalariga qadar yakuniy qaror qabul qilişni rejalaştirmoqda. Avvalroq, Buyuk Britaniyaning “The Times” naşri FIFA’ning amaldagi prezidenti Janni Infantinoning raqiblari Vengerni taşkilotning navbatdagi prezidentlik saylovlarida iştirok etişga köndirişga urinayotgani haqida xabar bergan.

Saylovlar 2027 yil mart oyida Marokaşda bölib ötadi. Nomzodlar iştirok etiş uçun arizalarini joriy yilning 18 noyabrga qadar topşirişlari mumkin.

Venger hozirda FIFA’ning global futbolni rivojlantiriş böyiça rahbari hisoblanadi.

FIFA’ning amaldagi prezidenti Janni Infantino 2016 yil fevral oyidagi navbatdan taşqari kongressda FIFA prezidenti etib saylangan. Keyinçalik u ikki marta raqibsiz qayta saylangan.

Ma’lumot uçun, 77 yoşli Arsen Venger 1996 yildan 2018 yilgaça “Arsenal”ni boşqargan. Uning rahbarligida London klubi 3 marta Angliya çempionligini, 7 marta Angliya kubogini va Angliya Superkubogini qölga kiritgan. Fransiyalik mutaxassis murabbiylik faoliyati davomida Yaponiyaning “Nagoya”, şuningdek, Fransiyaning “Nansi” va “Monako” klublarida ham işlagan. “Monako” bilan Fransiya çempionligi va mamlakat kubogini qölga kiritgan.