Fevral qanday ob-havo bilan boshlanishi aytildi
Bu qiziq
−
31 yanvar 2023 16877 1 daqiqa
Qishning so‘nggi oyi – fevralda O‘zbekistonga O‘rta yer dengizi hududlaridan nam va nisbatan iliq havo kirib keladi. Bu haqda Respublika Gidrometeorologiya markazi xabar berdi.
Qayd etilishicha, fevral oyining birinchi o‘n kunligida harorat asosan kechalari 0-5 daraja iliq, ba’zi joylarda 2 daraja sovuq, kunduzlari esa 3-8 dan 10-12 darajagacha iliq bo‘ladi. Shimoliy hududlarda kechalari 3-8 daraja sovuq, kunduz kunlari 2-7 daraja iliq atrofida bo‘ladi.
Kelayotgan oyning dastlabki o‘n kunligi nisbatan yog‘ingarchilikka boy bo‘ladi. Respublikaning barcha hududlari bo‘yicha vaqti-vaqti bilan asosan yomg‘ir ko‘rinishidagi yog‘ingarchilik bo‘ladi. Ba’zi joylarda yomg‘ir qorga aylanadi.
Keyinchalik fevral oyining oxirigacha harorat kechalari 2-7 daraja iliq yoki 5 daraja sovuq, kunduz kunlari 2-7 darajadan 12-17 darajagacha iliq harorat bo‘lishi kutilmoqda.
Live
BarchasiRossiyada o‘z chaqalog‘ini tashlab, qochib ketgan ayol bolasi bilan O‘zbekistonga qaytarildi
26 dekabr
Shavkat Mirziyoyev o‘zining oldingi va rahbarlarning hozirgi maoshida katta farq borligini aytdi
26 dekabr
