Фарғона аэропорти яна самолётларни қабул қилишни тўхтатди

Жамият

−

25 Ноябрь 2024 visibility5930 timer1 дақиқа

Бугун, 25 ноябрь куни Фарғона халқаро аэропортида ҳаво кемаларини қабул қилишга вақтинчалик чекловлар жорий этилди. Бу ҳақда Uzbekistan Аirports маълум қилди.

Билдирилишича, маҳаллий вақт билан соат 20:54 дан бошлаб об-ҳаво шароити ёмонлашгани сабабли Фарғона халқаро аэропортида ҳаво кемаларини қабул қилишга вақтинчалик чекловлар жорий этилган. Чекловлар вақтида барча рейслар муқобил аэродромларга йўналтирилади.

Хусусан, “Uzbekistan Airways” авиакомпаниясининг Истанбул – Фарғона йўналишидаги HY-278 рейси Наманган муқобил аэропортига йўналтирилган.

Эслатиб ўтамиз, 21 ноябрь куни ҳам Фарғона халқаро аэропортида ҳаво кемаларини қабул қилишга вақтинчалик чекловлар жорий этилганди. “Uzbekistan Airways” авиакомпаниясининг Новосибирск – Фарғона йўналишидаги HY-670 рейси Наманган муқобил аэропортига йўналтирилган.

Мақола муаллифи