Farg‘ona aeroporti yana samolyotlarni qabul qilishni to‘xtatdi
Jamiyat
−
25 noyabr 3304
Bugun, 25 noyabr kuni Farg‘ona xalqaro aeroportida havo kemalarini qabul qilishga vaqtinchalik cheklovlar joriy etildi. Bu haqda Uzbekistan Airports ma’lum qildi.
Bildirilishicha, mahalliy vaqt bilan soat 20:54 dan boshlab ob-havo sharoiti yomonlashgani sababli Farg‘ona xalqaro aeroportida havo kemalarini qabul qilishga vaqtinchalik cheklovlar joriy etilgan. Cheklovlar vaqtida barcha reyslar muqobil aerodromlarga yo‘naltiriladi.
Xususan, “Uzbekistan Airways” aviakompaniyasining Istanbul – Farg‘ona yo‘nalishidagi HY-278 reysi Namangan muqobil aeroportiga yo‘naltirilgan.
Eslatib o‘tamiz, 21 noyabr kuni ham Farg‘ona xalqaro aeroportida havo kemalarini qabul qilishga vaqtinchalik cheklovlar joriy etilgandi. “Uzbekistan Airways” aviakompaniyasining Novosibirsk – Farg‘ona yo‘nalishidagi HY-670 reysi Namangan muqobil aeroportiga yo‘naltirilgan.
Live
Barchasi
