Эртага Тошкентдаги қатор кўчалар вақтинча ёпилади

Эртага, 6 декабрь куни Тошкент шаҳрининг қатор кўчалари II Халқаро Тошкент марафони ўтказилиши муносабати билан соат 10:00 дан 14:15 га қадар автомобиллар ҳаракати учун ёпилади. Бу ҳақда Тошкент шаҳар ҳокимлиги хабар берди.

Вақтинча ёпиладиган кўчалар:

•    Афросиёб ва Ойбек кўчаларининг бир қисми – “Ўзбекистон” метро бекати чорраҳасидан Нукус кўчасигача;

•    Нукус кўчасининг Ойбек кўчасидан Абдулла Қодирий кўчасигача бўлган қисми;

•    Абдулла Қодирий кўчасининг Истиқбол кўчасидан Абдулла Қодирий боғи яқинидаги айланиб қайтиш йўлигача (разворот) бўлган қисми;

•    Бешёғоч кўчасининг Афросиёб кўчасидан Ислом Каримов шоҳ кўчасигача бўлган қисми;

•    Ислом Каримов шоҳ кўчасининг Бешёғоч кўчасидан “Ўзбекистон” метро бекати чорраҳасигача бўлган қисми.

Кўчалар ёпилиши муносабати билан 2, 12, 13, 14, 16, 17, 18, 22, 26, 29, 35, 37, 38, 46, 51, 55, 57, 58, 67, 68, 78, 80, 81, 93, 97, 98, 100, 101, 109, 123, 127,  140, 141, 150, 151, 190 сонли автобус йўналишлари соат 10:00 дан 15:00 гача суратдаги кўчалардан ҳаракатини давом эттиради.

Шу сабабли, “Тошшаҳартрансхизмат” АЖ мазкур йўналишли автобуслардан ҳаракатланувчи йўловчилар ўз йўналишларини олдиндан режалаштиришларини тавсия этган.