Эронга қарши ўйинда рус футболчиларини қанча мухлис қўллаб-қувватлаши маълум бўлди
Спорт
−
23 Март 2023 2806
Футбол бўйича Россия терма жамоасини Эрон терма жамоаси билан ўртоқлик ўйинида 500 нафарга яқин мухлис қўллаб-қувватлайди. Бу ҳақда Россия футбол иттифоқи матбуот хизмати хабар берди.
“Теҳрондаги ўйинда 500 нафаргача мухлис Россия терма жамоасини қўллаб-қувватлаши кутилмоқда”, дейилади Россия футбол иттифоқи хабарида.
Эрон ва Россия терма жамоалари ўртасидаги учрашув 23 март куни бўлиб ўтади. Учрашув Теҳрондаги “Озоди” стадионида Тошкент вақти билан соат 22:00 да старт олади.
Эрондаги ўйин Россия терма жамоаси учун 2023 йилдаги биринчи баҳс бўлади. Жорий йилнинг 26 март куни Санкт-Петербургдаги “Газпром-Арена” стадионида Валерий Карпин бошчилигидаги жамоа Ироқ терма жамоаси билан ўйнаши режалаштирилган.
Live
Барчаси
