Эрон Россияга баллистик ракеталар етказиб бермоқчи – “Reuters”
Олам
−
10 Август 4341
Эронда ўнлаб россиялик ҳарбий хизматчилар яқинда Россияга етказиб берилиши режалаштирилган Fath-360 баллистик ракеталаридан фойдаланиш бўйича ўқитилмоқда. Бу ҳақда Европа разведка агентликларидаги манбаларига таяниб, “Reuters” хабар берди.
“Москванинг ўз баллистик ракеталари бор, бироқ Fath-360 нинг Россияга етказиб берилиши фронт чизиғидан узоқдаги нишонларга зарба бериш учун ўз арсеналидан кўпроқ фойдаланиш имконини бериши мумкин”, дейилади хабарда.
Бир нечта махфий разведка манбаларига кўра, расмийлар Россия ҳарбийлари Эронга 360 км максимал диапазонли ракеталарни ва 75 кг жанговар каллакни ишга туширадиган Fath-150 мудофаа тизимини қандай бошқаришни ўрганиш учун ҳам ташриф буюришган.
АҚШ миллий хавфсизлик кенгаши вакилининг сўзларига кўра, Қўшма Штатлар ва унинг НАТОдаги иттифоқчилари, агар Эрон бундай трансферлар билан олдинга силжийдиган бўлса, тезкор ва кескин жавоб қайтаришга тайёрлигини таъкидлаган. Бироқ Россия Мудофаа вазирлиги изоҳ учун сўровга жавоб бермаган.
Эслатиб ўтамиз, аввалроқ Эрон Исроил билан эҳтимолий урушга тайёргарлик кўриш учун Россия илғор ҳаво мудофаа тизимларини сўрагани хабар қилинганди.
Зебо Туробжонова
Live
Барчаси
