Эркаклар ўртасидаги “Ролан Гаррос” ғолиби аниқланди (видео)

Кеча, 7 июнь куни теннис бўйича Франция очиқ чемпионати эркаклар ўртасидаги финал учрашуви бўлиб ўтди. Унда германиялик теннисчи Александр Зверев Парижда якунланган мавсумдаги иккинчи “Катта дубулға” турнири – “Ролан Гаррос” чемпиони бўлди.

Финалда Александр Зверев италиялик Флавио Коболлини мағлуб этди. Учрашув 6/1, 4/6, 6/4, 6/7, 6/1 ҳисобида якунланди. 

Бу Зверевнинг “Катта дубулға”даги тўртинчи финали эди. У аввал 2020 йил “US Open” финалида австриялик Доминик Тимга, 2024 йил “Ролан Гаррос” финалида испаниялик Карлос Алъкаразга, 2025 йил “Australian Open” финалида эса италиялик Янник Синнерга ютқазган.

Шу билан бирга, у 30 йил ичида “Катта дубулға”да ғолиб чиққан биринчи немис теннисчи бўлди. Бундан олдин бу натижани 1996 йилда Борис Беккер қайд этган эди. 

У, шунингдек, 1990 йилларда туғилган эркак теннисчилар орасида “Катта дубулға” ғолиби бўлган учинчи спортчига айланди.

Зверев жаҳон рейтингида учинчи ўринда, Коболли эса 14-ўринда туради. Янги рейтингга кўра, Зверев учинчи ўринни сақлаб қолди, Коболли эса топ-10 ичига кирди.