Энг узун соқолли аёл мўйлови бўйича ҳам рекорд ўрнатди (видео)

АҚШ фуқароси энг узун соқол ва энг узун мўйловга эга аёл сифатида Гиннеснинг рекордлар китобига киритилди. Бу ҳақда ташкилот расмий сайтида хабар берилди.

Эрин Хоникатт энг узун мўйловли (31 см), шунингдек, энг узун соқолли аёл (30 см) сифатида рекорд ўрнатган.

Посмотреть эту публикацию в Instagram

Публикация от QALAMPIR.UZ (@qalampir.uz)

Аниқланишича, аёл ҳеч қандай қўшимчалар ёки гормонал дориларни қабул қилмаган. Унинг соқоли 13 ёшида “поликистик тухумдон синдроми” деб аталадиган кам учрайдиган касаллик туфайли ўса бошлаган.

Илгари, аёл кунига камида уч марта соқолини олган. Бироқ, бир неча йил олдин у инсульт туфайли кўриш қобилиятининг бир қисмини йўқотган. Кейинроқ шифокорлар Эринда бактериал инфекция борлигини аниқлаган ва унинг оёғини кесиб ташлаган. 38 ёшли Хоникаттнинг айтишича, унга ҳар куни соқолини олиш қийин бўлган. Бу эса соқол ўстиришга туртки бўлган.

north_east

Ўзбек аёли дунёнинг “100 аёли” рўйхатига кирди

У охирги икки йилдан ортиқ вақт давомида соқолини олмаган.

Маълумот учун, энг узун соқолли аёл мақоми 75 ёшли америкалик Вивиан Уилерга тегишли эди. У 25 сантиметр узунликдаги соқолини ўстирган.

Эслатиб ўтамиз, 2023 йилнинг август ойида дунё аёллари ичида энг узун соқолга эга бўлган америкалик Эрин Хоникатт Гиннеснинг рекордлар китобига киритилганди.