Энг қиммат таркибга эга футбол клублари эълон қилинди
Спорт
−
18 Июль 2023 5284
Лондоннинг “Арсенал” клуби “Вест Хем” ҳимоячиси Деклан Райс билан шартнома имзолаганидан сўнг, энг қиммат таркибга эга футбол клубига айланди.
Жорий йилнинг 15 июль кунида “канонирлар” 24 ёшли футболчини 116 миллион еврога сотиб олди. Шундан сўнг, клуб футболчиларининг умумий қиймати 1,21 миллиард еврога етди.
“Transfermarkt”га кўра, энг қиммат таркибга эга клублар рейтингининг 2-қаторида “Манчестер Сити” (1,19 миллиард евро) қайд этилган. Бу борда 3-ўринни ПСЖ (1,03 миллиард евро), 4-поғонани “Реал Мадрид” (991 миллион евро) эгаллаган. Салкам 895 миллион евролик таркибга эга Германиянинг “Бавария” клуби кучли бешликни якунлаган.
Эслатиб ўтамиз, Райс “Арсенал” тарихидаги энг йирик трансфер ҳисобланади. Бунга қадар клуб харидларидаги рекорд кўрсаткич 2019 йилда қайд этилган. Англия клуби ўшанда “Лилль”дан 83,8 миллион еврога ярим ҳимоячи Николай Пепени сотиб олган эди.
Live
Барчаси
