Энг арзон гўшт 37 000 сўм. У қайси бозорда?

Жамият 7679
image

Республикадаги энг арзон гўшт 37 000 сўмдан "Нукус деҳқон бозори"да сотилмоқда. Бу ҳақда Давлат статистика қўмитаси маълум қилди

Қайд этилишича, қўмита ҳудудлардаги марказий деҳқон бозорларида 2020 йил 9 июнь куни кузатув ўтказиб, алоҳида турдаги озиқ-овқат маҳсулотларининг минимал-максимал нархларини аниқлади. Унга кўра:

Мол гўшти (суяксиз гўштидан ташқари) 37 000 сўмдан 65 000 сўмгача (кг);

Кузатув натижасига кўра, 1 кг мол гўштининг (суяксиз гўштидан ташқари) минимал нархи, Нукус шаҳрининг "Нукус деҳқон бозори"да қайд этилган. Бозорда бу турдаги гўшт 37 000 сўмдан сотилмоқда. 

Қўй гўшти 39 000 сўмдан 75 000 сўмгача (кг);

Қўй гўштининг минимал нархи кузатув натижасига кўра, Тошкент шаҳрининг "Миробод деҳқон бозори"да (39 000 сўм) рўйхатга олинган. 

Картошка 1 500 сўмдан 6 000 сўмгача (кг);

Олиб борилган кузатув натижаларига кўра, картошканинг минимал нархи Андижон шаҳрининг "Янги бозор деҳқон бозори" ва "Андижон шаҳар марказий деҳқон бозори", Термиз шаҳрининг "Марказий деҳқон озиқ-овқат бозори"да қайд этилган (1 500 сўм). 

Пиёз 500 сўмдан 3 000 сўмгача (кг);

Кузатув натижасига кўра, пиёз маҳсулотининг минимал нархи Термиз шаҳрининг "Марказий деҳқон озиқ-овқат бозори"да (500 сўм) рўйхатга олинди.

Тухум 6 000 сўмдан 13 000 сўмгача (10 дона);

Тухум маҳсулотининг кузатув натижасига кўра, минимал нархи Гулистон шаҳрининг "Гулистон деҳқон бозори", Тошкент шаҳрининг "Фарҳод деҳқон бозори"да қайд этилди (6 000 сўм). Максимал нархи эса, Тошкент шаҳрининг "Олой деҳқон бозори"да қайд этилган (13 000 сўм).

Гуруч 4 500 сўмдан 18 000 сўмгача (кг);

Кузатув натижаларига кўра, гуруч маҳсулотининг минимал нархи Нукус шаҳрининг "Нукус деҳқон бозори"да рўйхатга олинган ("Нукус 2" навли гуруч 4500 сўм). 

Ўсимлик ёғи 8 400 сўмдан 14 500 сўмгача (литр);

Ўсимлик ёғи маҳсулотларининг кузатув натижасига кўра, минимал нархи Тошкент шаҳрининг "Эски жўва деҳқон бозори", "Қўйлиқ деҳқон бозори" ва "Миробод деҳқон бозори"да (маҳаллий пахта ёғи 8 400 сўм) кузатилди. Максимал нархи эса, Тошкент шаҳрининг "Олой деҳқон бозори"да (кунгабоқар ёғи 14 500 сўм) кузатилди.

Шакар 5 500 сўмдан 7 000 сўмгача (кг);

Шакар маҳсулотининг кузатув натижасига кўра, минимал нархи Тошкент шаҳрининг "Олой деҳқон бозори", "Фарҳод деҳқон бозори", "Миробод деҳқон бозори", "Эски жўва деҳқон бозори" ва "Қўйлиқ деҳқон бозори"да (5 500 сўм) қайд этилди. 

 
Нуруллоҳ Шарипов
Мақолага баҳо беринг
Баҳолаганлар: 113
Рейтинг: 3
t
×