Дубайдан қайтган Обамеянгда коронавирус аниқланди

Спорт 797
image

Бугун, 6 ноябрь куни Лондоннинг “Арсенал” клуби ва Габон терма жамоаси ҳужумчиси Пьер-Эмерик Обамеянг коронавирусга чалинди. Бу ҳақда “Daily Mail” нашри хабар берди.

Қайд этилишича, Обамеянг бир кун аввал Дубайдаги базмлардан бирида иштирок этган. Унда Габон терма жамоасининг яна бир футболчиси, ҳозирда “Ницца”да ўйнаётган Марио Лемина ҳам қатнашган. Ҳозирда ҳар икки футболчига COVID-19 ташхиси қўйилган.

Эслатиб ўтамиз, жорий йилнинг 9 январь куни Африка Миллатлар кубоги старт олади. Обамеянг ва Лемина муҳим халқаро турнир арафасида ўзларининг бепарволиклари сабаб футбол жамоатчилиги томонидан жиддий танқидга учради. Иккала футболчи ҳам Габон терма жамоасининг асосий ўйинчилари ҳисобланади, аммо 10 январь куни бўлиб ўтадиган биринчи ўйинда ўз жамоасига ёрдам бера олишмайди.

Маълумот учун, Обамеянг интизомни бузгани учун “Арсенал”да сардорлик боғичидан маҳрум қилинган эди.
 

Ҳумоюн Орипов
Мақолага баҳо беринг
Баҳолаганлар: 3
Рейтинг: 2.5
t
×