Диёра Келдиёрова “Катта дубулға” мусобақасида чемпион бўлди

Спорт 4730
image

Бугун, 4 ноябрь куни Озарбайжонда дзюдо бўйича “Катта дубулға” туркумига кирувчи мусобақа старт олди. Биринчи кунги беллашувларда Ўзбекистон терма жамоаси 1 тадан олтин ва бронза медалларини қўлга киритди. 

Сўнгги мусобақаларда ажойиб кураши билан ўз вазнида жаҳон элитаси қаторига кириб бораётган Диёра Келдиёрова -52 кг вазн тоифасида олтин медални қўлга киритди. Ўзбекистонлик спортчи ҳал қилувчи баҳсда мўғулистонлик Сосорбарам Лхагвасурен устидан ишончли ғалабага эришди. Ушбу муваффақият Келдиёрова учун Париж-2024 Олимпиадаси йўлида 500 рейтинг очкосини тақдим қилади. 

Шунингдек, Сита Қадамбоева (-52 кг) бронза медали учун баҳсда польшалик Александра Калета устидан ғалаба қозонди. Бу Қадамбоева учун фаолиятида “Катта дубулға” турнирларидаги илк медаль бўлди. 

Афсуски, Камрон Нуриллаев (-60 кг) учунчи ўрин учун баҳсда имкониятни бой бериб, мусобақани кучли бешликда якунлади.

Маъруф Абдумаликов
Мақолага баҳо беринг
Баҳолаганлар: 171
Рейтинг: 2.9
t
×