Бугундан Малайзияда барча мактаблар ёпилди

Олам 5263
image

Малайзияда коронавирус тарқалиши сабабли, бугун, 9 ноябрдан бошлаб барча мактаблар ёпилди. Бу ҳақда қироллик Таълим вазири Моҳда Радзи Жидинга асосланиб хабар берилган. 

"Қарор коронавируснинг жамиятда тарқалиш занжирини узиш мақсадида қабул қилинди", дейилган вазир баёнотида.

Унга кўра, мамлакатда янги ўқув йили январь ойининг охирида бошланади.

Таъкидланишича, бугундан мамлакатдаги мактаблардан ташқари баъзи корхоналар ҳам ёпилди. 

Шунингдек, Малайзияда шаҳарлараро транспорт ҳаракати тўхтатилади, кафе ва ресторанлар эса қисқартирилган режимда иш бошлайди.

Маълумот учун, Малайзияда пандемия бошидан бери 40 мингдан ортиқ одам коронавирусга чалинган. 286 киши вафот этган. Мамлакатда касалланишнинг кескин ўсиши сентябрь ойининг бошидан бери давом этмоқда.

Рушана Султонова
Мақолага баҳо беринг
Баҳолаганлар: 154
Рейтинг: 2.9
t
×