Бугун Флойд Мейвезер шоуменга қарши рингга чиқади
Спорт
−
25 Февраль 2023 5210
Беш вазн тоифасида собиқ жаҳон чемпиони 46 ёшли Флойд Мейвезер 2017 йилда UFC юлдузи Конор Макгрегорни мағлуб этиб, ўз рекордини 50:0 га етказганидан сўнг профессионал фаолиятини якунлаганди. Бироқ у кўргазмали жангларда қатнашишда давом этмоқда. Охирги марта Флойд ноябрь ойида рингга чиққан ва олтинчи раундда блогер Дежини нокаутга учратган эди.
Мейвезернинг кўргазмали жангдаги навбатдаги рақиби британиялик Аарон Чалмерс бўлади. У реалити-шоуларда бош ролни ижро этиш билан танилган. Аарон ММАда ҳам фаолият олиб борган. Чалмерс сўнгги учта жангини Bellator'да ўтказган. Чалмерснинг профессионал боксда ҳам битта жанги бор.
“Мен Адам Бут билан бокс залида машғулот ўтказдим ва бокс оламида ўз номимни қолдиришни хоҳлайман. Имкониятдан фойдаланиб барча даврларнинг энг зўр жангчисига қарши рингга чиқишдан фахрланаман”, дейди Чалмерс.
Эслатиб ўтамиз, Флойд Мейвезер – Аарон Чалмерс жанги бугун, 25 февраль куни Лондондаги “О2 Arena”да бўлиб ўтади. Баҳс Тошкент вақти билан 22:30 бошланади.
Live
Барчаси
