Бразилиялик роҳиба дунёдаги энг кекса одамга айланди

Дунёдаги энг кекса одам сифатида танилган япониялик Томико Итоока вафот этгач, бразилиялик роҳиба Инах Канабарро Лукас 116 ёш 211 кунлик ёшида дунёдаги энг кекса одамга айланди. Бу ҳақда Гиннеснинг рекордлар китоби хабар берди.

Ҳужжатларга кўра, Инах Канабарро Лукас 1908 йил 8 июнда туғилган, аммо унинг оиласи унинг туғилган кунини 1908 йил 27 май деб даъво қилмоқда. Болалигида у жуда озғин бўлган. 1927 йилда у Уругвайнинг Монтевидео шаҳрига кўчиб ўтган ва у ерда роҳиба бўлган, лекин 1930 йилда у Бразилияга қайтиб борган ва у ерда кўп йиллар давомида математика ва португал тили ўқитувчиси бўлиб ишлаган.

110 ёшида у ҳаракатчанлик билан боғлиқ муаммоларга дуч келган ва ўшанда пиёда юришга мажбур бўлган. 113 ёш-у 208 кунлик вақтида Инах Лузиа Морзенинг ёшидан ўтиб, Бразилиянинг энг кекса роҳибаси бўлган. Ҳозирда у Люсиль Рандондан кейин 2- энг кекса роҳиба ҳисобланади.

Эслатиб ўтамиз, аввалроқ дунёдаги энг кекса одам сифатида танилган япониялик Томико Итоока 116 ёшида вафот этганди. Аёл император Мэйдзи даврида 1908 йил 23 майда Осакада туғилган. Ёшлигида у ўрта мактабнинг волейбол жамоаси аъзоси бўлган. У 1979 йилда турмуш ўртоғининг вафотидан сўнг қояга кўтарилиш ва пиёда юриш билан шуғулланган.