Божхонада 8,6 тонна ноқонуний мева ушланди
Жамият
−
24 Декабрь 2019 4249
Бухоро вилоятида божхонадан 8,6 тонна меванинг ноқонуний олиб ўтилиши тўхтатилди. Бу ҳақда Давлат божхона қўмитаси Матбуот хизмати хабар берди.
Бухоро вилояти божхона бошқармаси “Олот” чегара божхона пости орқали қўшни мамлакатдан кириб келган фуқаролар Б.Ю, Ш.Ж, К.З., ва С.Д бошқарувидаги юк автомашиналари белгиланган тартибда божхона кўригидан ўтказилган.
Натижада, ушбу автоуловлар юкхоналарида йўл-юк кузатув ҳужжатларида кўрсатилганидан ортиқча бўлган, умумий қиймати 130,3 миллион сўмлик 8,6 тонна киви мевалари борлиги маълум бўлди.
Ҳозирда ушбу ҳолатлар юзасидан божхона органлари томонидан суриштирув ҳаракатлари давом эттирилмоқда.
Live
Барчаси
