Бошқирдистонда ўзбекистонлик эркак сувда чўкиб кетди
Олам
−
18 Июнь 4318 1 дақиқа
Россиянинг Бошқирдистон Республикасида чўмилиш учун сувга тушган ўзбекистонлик эркак чўкиб кетиб, ҳалок бўлди. Бу ҳақда Республикаси Фавқулодда вазиятлар бошқармаси хабар берди.
Қайд этилишича, жорий йилнинг 15 июнь куни Бакалинский туманидаги Галиуллинка қишлоғидаги ҳовуздан Ўзбекистон фуқароси бўлган 50 ёшли эркакнинг жасади чиқариб олинган. Гувоҳларнинг сўзларига кўра, ҳалок бўлган эркак маст ҳолатда бўлган ва сузиш учун мўлжалланмаган жойда чўмилган.
Билдирилишича, ҳозирда ҳолат юзасидан тезкор-тергов ҳаракатлари олиб борилмоқда.
Эслатиб ўтамиз, аввалроқ Тошкент вилоятининг Паркент туманида 3 нафар вояга етмаган бола сув ҳавзасида чўкиб, вафот этгани хабар қилинган эди. Воқеа бўйича Жиноят кодексининг 116-моддаси (касб юзасидан ўз вазифаларини лозим даражада бажармаслик) ва 207- моддаси (мансабга совуққонлик билан қараш) билан жиноят иши қўзғатилган.
Live
Барчаси
