БМТ қайғули статистикани эълон қилди

2022 йилда 95 миллион киши ўта қашшоқлик шароитида яшаяпти. Бу ҳақда БМТ Бош котибининг иқтисодий ва ижтимоий масалалар бўйича ўринбосари Ли Цзюньхуа ташкилот Бош Ассамблеяси иккинчи қўмитаси йиғилишида сўзга чиқиб, маълум қилди.

“2022 йилда жаҳон иқтисодиётидаги вазият сезиларли даражада ёмонлашди. Йиллик глобал ишлаб чиқариш 2,5 фоиздан 2,8 фоизгача ошиши кутилмоқда, бу аввалроқ прогноз қилинганидан сезиларли даражада паст”, дейди у.

У БМТ Бош Ассамблеяси Иккинчи қўмитаси қарорларини ишлаб чиқишда давлатлар ўртасидаги “катта молиявий тафовут”ни ҳисобга олиш зарурлигини таъкидлади.

Кўпгина ривожланаётган мамлакатлар ҳали ҳам пандемия билан курашмоқда, улар юқори инфляция ва иқтисодий турғунлик билан бартараф этмоқчи, инқироз энергия нархининг кескин ошиши билан янада кучаймоқда.

Ли Цзюньхуа, 2022 йилда 95 миллион одам ҳали ҳам ўта қашшоқлик шароитида қолаётганига эътибор қаратган.

Ривожланаётган давлатлар бир-бирига боғланган ва бир-бирини кучайтирувчи кўплаб инқирозларга дуч келиб, “болға ва сандон” ўртасида қолиб кетди. Барқарор ривожланиш мақсадларига эришиш учун уларнинг инвестиция эҳтиёжлари сезиларли даражада ошди.

Бош котиб ўринбосари илм-фан, технология ва инновациялар одамлар фаровонлигини сезиларли даражада ошириши мумкинлигини, бироқ ҳозирча кўпчилик интернетга кириш имконига эга эмаслигини қўшимча қилди.

“Биз йўналишни ўзгартиришимиз, 2030 йилгача натижаларга эришишимиз керак ва буни ҳозирдан бошлашимиз керак”, дейди у.