Бибининг Туркия ҳақидаги сўзларини ёқтирмайман – Трамп (видео)

north_east

F-35, Украина уруши, Венесуэла... Трамп Эрдўған билан учрашувда нималар деди?

АҚШ Президенти Дональд Трамп Исроил Бош вазири Биньямин Нетаньяхунинг Туркияни қоралашга уринишларига ва Президент Ражаб Тойиб Эрдўғанга қаратилган баёнотларига қарши эканини айтди. Бу ҳақда у бугун, 8 июль куни Анқарада бўлиб ўтаётган НАТО Давлат ва ҳукумат раҳбарларининг 36-саммити доирасидаги нутқида сўз очди.

Президент Эрдўған билан ўтказган учрашувига ҳам тўхталиб ўтган Трамп икки етакчи ўртасидаги мулоқот каналлари очиқ эканини билдирган. Исроил ва Туркия ўртасидаги тарангликка ҳам ишора қилган АҚШ Президенти Анқаранинг мудофаа саноатидаги юксалиши ва ҳарбий салоҳиятига диққат қаратиб, қуйидаги фикрларни билдирган:

“Кеча у (Нетаньяху) Туркия ҳақида ёмон гаплар айтди. Эрдўған билан гаплашдим, у Исроилни, Бибини унчалик хушламайди. Мен ҳам Нетаньяхунинг Туркия ва Президент Эрдўған ҳақида айтган сўзларини ёқтирмайман. Уларнинг Туркияни ёқтирмаслиги табиий, чунки Туркия жуда катта ҳарбий куч. Энди улар F-35 қирувчи самолётларини ҳам олишади”, дейди у.

Эслатиб ўтамиз, аввалроқ Дональд Трамп Анқарада бўлиб ўтаётган НАТО саммити доирасида Украина етакчиси Владимир Зеленский билан учрашув ўтказгани ҳамда Украина ва Россия ўртасидаги низо ва уни якунлаш бўйича олиб борилаётган ишлар юзасидан бир қатор баёнотлар бергани ҳақида хабар берилган эди.