Бенземанинг жамоаси Салоҳ билан келишувга эришди
Спорт
−
25 Август 2023 3778
Англиянинг “Ливерпуль” клуби ҳужумчиси Муҳаммад Салоҳ Саудия Арабистони клуби билан келишувга эришди. Бу ҳақда “BeIN Sports” хабар берди.
Манбага кўра, мисрлик футболчи “Ал-Иттиҳод”га ўтишга рози бўлган. Айни дамда келишув “Ливерпуль”нинг қарорига боғлиқ. Саудия клуби Салоҳ учун 90 миллион евролик таклиф тайёрламоқда. Бу ўтиш Саудия Арабистони чемпионати тарихидаги энг қиммат трансферга айланиши мумкин.
Мисрлик футболчи “Ливерпуль” билан 2025 йилнинг ёзига қадар шартнома имзолаган. Салоҳ “қизиллар” сафида 2017 йилнинг ёзидан бери тўп суриб келмоқда. У жамоа билан биргаликда 2018/2019 йилги мавсум Европа Чемпионлар лигасида ғолиб чиққан.
“Ал-Иттиҳод” сафида “Реал”нинг собиқ футболчиси, 2022 йилги “Олтин тўп” соҳиби Карим Бензема, “Челси” билан Европа Чемпионлар лигаси ғолиб чиққан Н'голо Канте ва Салоҳнинг собиқ жамоадоши Фабиньо тўп тепади.
Live
Барчаси
