Беларусь Россиядан Ми-35 жанговар вертолётларини олди

Беларусm Россиядан Ми-35 жанговар вертолётларинининг биринчи партиясини олди. Бу ҳақда республика Мудофаа вазирлиги матбуот хизмати хабар берди.

"Беларуслик учувчилар армия хизматига кирган Ми-35 вертолётларининг биринчи партиясини учирмоқда. Вертолётлар Беларусь Республикаси Қуролли Кучларини ривожлантириш ҳамда Россия Федерацияси билан ҳарбий-техникавий ривожланиш режасига мувофиқ қабул қилинди”, дейилади хабарда.

Маълумот учун, Ми-35 кўп мақсадли ҳужум вертолёти Ми-24 нинг модернизация қилинган версияси бўлиб, у зирҳли техникани, душман ишчи кучини йўқ қилиш, моторли милтиқ ва танк бўлинмаларига ўт очиш, десант қўшинларини тушириш ва ярадорларни эвакуация қилиш учун мўлжалланган. Шунингдек, Ми-35 кабинада ва ташқи слингда юк ҳам таший олади. Вертолёт экипажи икки кишидан иборат бўлади.

Эслатиб ўтамиз, жорий йилнинг 25 март куни Россия Президенти Владимир Путин Беларусь фуқароси Александр Лукашенконинг илтимосига кўра, Россиянинг тактик ядро қуроллари Беларусга жойлаштирилишини маълум қилганди. Май ойи охирида Россия Беларусга С-400 зенит-ракета комплексларини етказиб берди. Лукашенко эса Беларусга қарши тажовуз содир бўлса ядро қуролидан иккиланмай фойдалана олишини билдирди.