Belarus Rossiyadan yana sakkizta Mi-35 vertolyotini oladi

Belarus Qurolli kuchlari Rossiyadan yana sakkizta Mi-35 vertolyotlarini oladi. Bu haqda 50-aralash vertolyot aviabazasi qo‘mondoni Vladimir Skorkin ma’lum qildi.

Uning aytishicha, Belarus yil oxirigacha to‘rtta vertolyot olishni kutmoqda. Kelgusi yili esa yana shuncha vertolyot mamlakat Qurolli kuchlariga topshiriladi.

“Ya’ni, Mi-35larning to‘liq eskadroni shakillanadi”, deydi Skorkin STV telekanali efirida.

Qayd etish joizki, vertolyotlar bir necha hafta ichida ishga tushishi kutilmoqda. Yangi dastgohlarni boshqaradigan uchuvchilar va muhandis-texnik xodimlar esa Rossiya Federatsiyasida qayta o‘qitilgan.

Ma’lumot uchun, Mi-35 ko‘p maqsadli hujum vertolyoti Mi-24 ning modernizatsiya qilingan versiyasi bo‘lib, u zirhli texnikani, dushman ishchi kuchini yo‘q qilish, motorli miltiq va tank bo‘linmalariga o‘t ochish, desant qo‘shinlarini tushirish va yaradorlarni evakuatsiya qilish uchun mo‘ljallangan. Shuningdek, Mi-35 kabinada va tashqi slingda yuk ham tashiy oladi. Vertolyot ekipaji ikki kishidan iborat bo‘ladi.

Eslatib o‘tamiz, joriy yilning 17 avgust kuni Belarus Mudofaa vazirligi Rossiyadan olib kelingan to‘rtta Mi-35 vertolyotining birinchi partiyasi respublikaga kelganini ma’lum qilgandi.