Belarus Rossiyadan Mi-35 jangovar vertolyotlarini oldi

Belarusm Rossiyadan Mi-35 jangovar vertolyotlarinining birinchi partiyasini oldi. Bu haqda respublika Mudofaa vazirligi matbuot xizmati xabar berdi.

"Belaruslik uchuvchilar armiya xizmatiga kirgan Mi-35 vertolyotlarining birinchi partiyasini uchirmoqda. Vertolyotlar Belarus Respublikasi Qurolli Kuchlarini rivojlantirish hamda Rossiya Federatsiyasi bilan harbiy-texnikaviy rivojlanish rejasiga muvofiq qabul qilindi”, deyiladi xabarda.

Ma’lumot uchun, Mi-35 ko‘p maqsadli hujum vertolyoti Mi-24 ning modernizatsiya qilingan versiyasi bo‘lib, u zirhli texnikani, dushman ishchi kuchini yo‘q qilish, motorli miltiq va tank bo‘linmalariga o‘t ochish, desant qo‘shinlarini tushirish va yaradorlarni evakuatsiya qilish uchun mo‘ljallangan. Shuningdek, Mi-35 kabinada va tashqi slingda yuk ham tashiy oladi. Vertolyot ekipaji ikki kishidan iborat bo‘ladi.

Eslatib o‘tamiz, joriy yilning 25 mart kuni Rossiya Prezidenti Vladimir Putin Belarus fuqarosi Aleksandr Lukashenkoning iltimosiga ko‘ra, Rossiyaning taktik yadro qurollari Belarusga joylashtirilishini ma’lum qilgandi. May oyi oxirida Rossiya Belarusga S-400 zenit-raketa komplekslarini yetkazib berdi. Lukashenko esa Belarusga qarshi tajovuz sodir bo‘lsa yadro qurolidan ikkilanmay foydalana olishini bildirdi.