Байден Жорж Флойд ўлимига 2 йил тўлгани муносабати билан фармон имзолади

Олам 5798
image

АҚШ Президенти Жо Байден афроамерикалик Жорж Флойднинг шов-шувли ўлдирилишининг икки йиллиги муносабати билан полицияни инсонпарварлаштириш ва жавобгарликни оширишга қаратилган ташаббуслар тўпламини ислоҳ қилиш тўғрисидаги фармонни имзолади.  

“Фармон узоқ вақтдан бери айтилган ва ниҳоят федерал даражада амалга оширилаётган ислоҳотларни ўз ичига олади. Ва бу жуда муҳим даврда содир бўлмоқда. Ишончни мустаҳкамлаш орқали биз жамоат хавфсизлигини мустаҳкамлаймиз ва жиноятчиликка қарши янада самарали кураша оламиз. Яна бир нарса, биз бирга ишлаганимизда нимага қодир эканимизни кўрсатамиз”, деган Байден имзолаш маросимида. 

Фармонда ички ишлар органлари ходимлари томонидан содир этилган ҳуқуқбузарликлар тўғрисидаги умуммиллий маълумотлар базасини яратиш кўзда тутилган, кўкрак қафаси камераларидан кенг фойдаланиш йўлга қўйилган, бўғиш тақиқланган, ўта оғир ҳоллар бундан мустасно, турар-жой биноларига олдиндан огоҳлантирмасдан бостириб кириш амалиёти ва ҳарбий техникани полицияга топшириш чекланган. 

Шунингдек, ҳуқуқ-тартибот идоралари ходимлари айрим ирқлар, этник ва бошқа гуруҳлар вакилларига нисбатан “нотўғри қарашлар”ни йўқ қиладиган ўқув курсларидан ўтиши керак бўлади.  

Эслатиб ўтамиз, 2020 йил 25 май куни Миннеаполисда 46 ёшли америкалик Жорж Флойд собиқ полициячи томонидан ўлдирилган. Интернетда собиқ полициячи Флойднинг бўйнига тиззасини босган ва у нафас ололмаётганини такрорлаган видеоролик кўплаб америкаликларнинг ғазабига сабаб бўлган. Полиция шафқатсизлигига қарши норозилик намойишлари Миннеаполисни, кейин Американинг бошқа шаҳарларини қамраб олган ва ҳатто, АҚШ ташқарисига ҳам тарқалган. Бир қатор шаҳарларда норозилик намойишлари тартибсизликларга, бузғунчилик ҳаракатларига, дўконларни ёқиш ва талон-торож қилишга, ҳуқуқ-тартибот идоралари ходимлари билан тўқнашувларга олиб келган.

Рушана Султонова
Мақолага баҳо беринг
Баҳолаганлар: 111
Рейтинг: 3
Теглар
t
×