Байден Украинада уруш бошланганининг бир йиллиги арафасида Европага боради

Олам

image

АҚШ Президенти Жо Байден Россия-Украинага уруши бошланганининг бир йиллиги муносабати билан февраль ойида Польшага бориши кутилмоқда. Бу ҳақда NBC телеканали хабар берди.

Қайд этилишича, январь охиридан бери Байденнинг Европага, жумладан, Польшага сафар қилиши кўриб чиқилмоқда. Бироқ сафар бўйича якуний қарор ҳали қабул қилинмаган. Шунингдек, Байденнинг Европага сафари доирасида у Украинага бориши ҳам ҳозирча номаълум. 

Таъкидлаш жоизки, Европага бориш Байденга АҚШ-Европа иттифоқи доирасида бирдамликни мустаҳкамлаш учун имконият беради. Байден 25 январь куни АҚШ Украинага 31 та Abrams танкини юборишини эълон қилар экан, бу бирликнинг аҳамияти ҳақида фикр билдирган.

“Мен буни узоқ вақтдан бери айтяпман – Россиянинг кутаётгани бизнинг тарқалиб кетишимиз, бирдам бўлмаслигимиз. Лекин биз тўлиқ, ҳар томонлама бутунлай бирлашганмиз”, деган Байден Европадаги иттифоқчилари билан алоқаларни назарда тутиб.

Маълумот учун, Россия босқинидан бери Байден маъмурияти Украинага хавфсизликни таъминлаш учун 29,3 миллиард доллардан ортиқ ёрдам ажратган.

Эслатиб ўтамиз, олдинроқ Япония бош вазири ҳам Украинада уруш бошланганининг бир йиллиги муносабати билан G7’нинг онлайн форматдаги саммитини ўтказишини маълум қилган эди.

Алибек Бейжанов


Мақола муаллифи

avatar

.

Теглар

Байден

Баҳолаганлар

0

Рейтинг

3

Мақолага баҳо беринг

Дўстларингиз билан улашинг